Un dos últimos accidentes de tráfico do 2014 na rede viaria galega foi un choque, neste caso contra un equino, e tamén o foi un dos primeiros do 2015, nesta ocasión contra un poste.
Un ourensán de 38 anos, D.B.A., sufriu na noite do 31 de decembro desfeitas no turismo que conducía logo de chocar contra un equino, que sobreviviu ao contratempo con vida, cerca do núcleo de Beariz (Ourense), informaron a Efe fontes policiais.
O suceso rexistrouse ás nove da noite na estrada que une Dozón con Beariz, á altura da Bouza.
O home viaxaba só no seu vehículo, tras concluír a súa xornada laboral, e dirixíase ao centro de Ourense para a cea de Noitevella coa súa familia. Foi el mesmo quen chamou a asistencia na estrada. Non se rexistraron danos persoais, só no vehículo.
CHOQUE CONTRA UN POSTE
Xa na madrugada do primeiro día do ano, un home resultou ferido noutra colisión, neste caso contra un poste do tendido eléctrico.
O accidente produciuse en Sanxenxo, cando o home perdeu o control do turismo ao seu paso pola parroquia de Arra. O condutor foi atendido tanto por persoal do 061 como do servizo de urxencias local.
