O portavoz do PP galego, Miguel Tellado, asegurou este venres que o líder do PSdeG, José Ramón Gómez Besteiro, "ten unha nova oportunidade para equivocarse" tras o rexeitamento do recurso do alcalde de Caldas, Juan Manuel Rey, á apertura de xuízo oral contra el.
"A pesar das manobras preelectorais do PSdeG pasou o que dixemos que ía pasar. Ratifícase a apertura de xuízo oral e Besteiro ten un novo problema; ten unha nova oportunidade para equivocarse e non as adoita deixar escapar, non defrauda", afirmou en conferencia de prensa.
O portavoz do PP galego reclamou explicacións de Gómez Besteiro tras esta decisión xudicial, xa que, segundo dixo, "o normal é que faga o contrario do que di".
"Queremos saber que vai facer ante a apertura de xuízo oral. Agora que Besteiro ten todo o seu tempo para dedicar ao PSdeG que se centre en resolver estas cuestións. E se ten dúbidas consultará ao BNG para que lle diga que facer, que é o que sucede estas semanas", sinalou en alusión ás condicións do grupo nacionalista para pactar cos socialistas nas deputacións.
Tellado: "Besteiro ten en Caldas unha nova ocasión para equivocarse"
O portavoz do PP galego referiuse así ao líder do PSdeG tras o rexeitamento do recurso do rexedor caldense, Juan Manuel Rey, á apertura do xuízo oral contra el
