O sol e as nubes serán protagonistas durante o luns en Galicia

A influencia anticiclónica sobre Galicia persistirá este luns a pesar da existencia de certa inestabilidade atmosférica.

Con esta situación, haberá bancos de néboa matinais en zonas de interior, que darán paso a ceos con poucas nubes en xeral, máis anubrados no litoral norte e noroeste. Xa pola tarde medrarán nubes de evolución no interior, que deixarán chuvascos treboentos illados.

As temperaturas mínimas estarán en lixeiro descenso, mentres que as máximas non rexistrarán cambios significativos en xeral agás no norte da provincia de Lugo onde teremos un descenso moderado.

Os ventos soprarán de compoñente norte, frouxos no interior e moderados na costa, con intervalos fortes no litoral noroeste.