A Xunta de Galicia incorporou ao Servizo Galego de Saúde (Sergas) 37 equipos radioquirúrgicos por un valor de 4,3 millóns de euros. Parte deses equipos están xa en funcionamento no Hospital Universitario Lucus Augusti (HULA), razón pola que o xerente do Sergas, José Flores Arias, xunto ao xerente da área sanitaria de Lugo, A Mariña e Monforte de Lemos, Ramón Ares, visitou o complexo hospitalario lucense.
Segundo informou a Consellería de Sanidade nun comunicado, "estes novos equipos achegan á sanidade pública galega ferramentas punteiras de diagnóstico e tratamentos coas doses máis baixas posibles, o que supón unha mellora dos procedementos cirúrxicos e unha maior seguridade para os pacientes".
O equipo instalado no HULA é un dos tres radioquirúrgicos vasculares adquiridos pola Xunta, cun custo que supera os 200.000 euros por unidade. Estes sistemas destínanse, en exclusiva, a quirófanos de cirurxía vascular e permiten a "realización de técnicas complexas deste tipo de operacións" como a reparación endovascular de vasos arteriais periféricos en membros inferiores, sistema carotídeo e enfermidade dexenerativa da aorta torácica e abdominal, tanto oclusiva como aneurismática.
Ademais do xa operativo no HULA, os outros dous radioquirúrgicos vasculares instalaranse no Hospital Universitario de Ourense e no Hospital Clínico de Santiago de Compostela.
Os outros 34, de máis de 90.000 euros cada un, "permitirán renovar os equipamentos existentes nos bloques cirúrxicos para o control en intervencións de cirurxía xeral, ortopedia, traumatología e urología, entre outros".
Como as propio Arias destacou, "os aparellos adquiridos dispoñen de tecnoloxía que mellora a calidade da imaxe, e a capacidade de integración da imaxe e das doses impartidas".
Os novos equipos repartíronse entre as sete áreas sanitarias galegas. Así, no área de Lugo, destínanse catro ao HULA, dous ao Hospital da Mariña, e un ao Hospital de Monforte.
Plan de renovación
A compra destes equipos enmárcase no plan de renovación e modernización do equipamento sanitario previsto para 2021, "co que acometer as renovacións integrais dos bloques cirúrxicos e dos equipamentos de alta tecnoloxía de diagnóstico".
O orzamento autonómico para este plan, en 2021, é
