O xerente da área sanitaria de Pontevedra-O Salnés, José Ramón Gómez Fernández, admitiu que se vacinou "por erro" a 17 profesionais aos que non lles correspondía nesta fase.
Nun vídeo remitido pola Consellería de Sanidade á prensa, o xerente explica os "problemas" rexistrados na vacinación nos últimos días.
Así, sinala que, "nunha ampla listaxe" de 2.533 profesionais na área de Pontevedra de loita en primeira liña contra o covid, incluíuse a estes 17 traballadores, que se vacinaron sen cumprir "os criterios establecidos" polo Consello Interterritorial.
O xerente achaca o sucedido a un "erro na elaboración de listas" dun "número tan importante de traballadores". Ademais, xustifica que este "impacto" só representa o 0,6% da listaxe.
Ademais, José Ramón Gómez destaca que en cinco días vacináronse cerca do 60% da traballadores da área sanitaria.
Segundo explica nun comunicado o Sergas, a administración de dose ao persoal de primeira liña completarase cando se reciban as correspondentes vacinas , mentres pide desculpas por un "erro puntual".
A área sanitaria de Pontevedra convoca para este xoves ao Comité de Seguridade e Saúde Laboral co fin de analizar os protocolos internos do proceso de vacinación nas diferentes categorías profesionais.
