O servizo de urxencias 112 Galicia tivo coñecemento entre as 8.00 e as 8.30 horas da mañá deste martes de dous atropelos rexistrados nos municipios de Moraña e de Santiago, que deixan senllos feridos.
No accidente localizado no municipio pontevedrés resultou ferido un home duns 60 anos de idade, tras ser alcanzado por un vehículo na estrada PO-221, en Sabadín.
Alí acudiu unha dotación de Urxencias Sanitarias de Galicia-061, ademais dos voluntarios de Protección Civil da vila. Ademais, o 112 Galicia informou aos axentes da Garda Civil de Tráfico e da Policía Local, así como ao persoal de limpeza e mantemento da Axencia Galega de Infraestruturas.
Apenas 30 minutos despois do accidente rexistrado en Moraña, sobre as 8.30 horas, o 112 Galicia recibiu a chamada por un segundo atropelo na zona de Virxe
Foron alertados os profesionais de Urxencias Sanitarias de Galicia-061 e da Policía Local, que informaron a Europa Press de que os axentes aínda se atopan no lugar do suceso, polo que se descoñece a magnitude exacta do atropelo, aínda que se cre que non reviste excesiva gravidade.