A Sala do Penal do Tribunal Superior de Xustiza de Galicia (TSXG) ditou sentenza na que ordena a unha compañía aseguradora indemnizar á vítima dun intento de homicidio, que foi atropelado polo seu cuñado en Redondela, conducindo unha furgoneta que, precisamente, estaba asegurada nesta compañía.
Así, o alto tribunal galego estima o recurso de apelación interposto pola vítima contra a sentenza da Audiencia Provincial de Pontevedra que, tras un acordo de conformidade, condenou ao acusado a penas que suman 3 anos de prisión polos delitos de homicidio intentado e condución temeraria.
A resolución do tribunal provincial, aínda que estableceu que o acusado debía indemnizar ao seu cuñado en algo máis de 25.000 euros, absolveu á compañía aseguradora do vehículo conducido polo procesado.
Os feitos remóntanse a xuño de 2019, cando o acusado acudiu nunha furgoneta que non era súa, acompañado da súa muller e un dos seus fillos, a casa de cuñado para recoller a outro fillo menor de idade. Ao saír de alí, con toda a súa familia dentro da furgoneta (aínda que sen sistemas de retención) comezou a conducir de forma temeraria e facendo trompos, pondo en risco seguridade dos ocupantes do vehículo.
Cando o seu cuñado e outros familiares recrimináronlle esa actitude, iniciouse unha discusión. Seguidamente, cando a vítima e os seus acompañantes dispúñanse a entrar na súa casa, o acusado arrincou o vehículo e, a gran velocidade, tratou de embestir ao irmán da súa muller. O home foi apartado por outro irmán e, aínda que a furgoneta non lle impactou de cheo, si lle golpeou unha perna causándolle lesións graves.
Nunha vista de conformidade, o procesado aceptou 3 anos de cárcere coa atenuante de reparación do dano (xa compensara ao seu cuñado con 3.500 euros) e estableceuse unha indemnización. A Audiencia absolveu á aseguradora da furgoneta.
Agora, o TSXG resolveu que a compañía tamén ten que indemnizar á vítima, nos termos recollidos na sentenza de instancia, ao entender que a intención do acusado de acabar coa vida do seu cuñado conducindo unha furgoneta a gran velocidade e embistiéndolo "é un feito integrado na circulación do vehículo", polo que "non reporta a exclusión da cobertura do seguro obrigatorio".
