Galicia acollerá este sábado as probas das oposicións do ensino máis amplas da historia tanto en número de prazas, cun total de 3.894, como de tribunais e sedes.
Os exames, cuxa primeira proba se realizará entre o sábado e o día 25, desenvolveranse nun total de 132 sedes en 23 localidades de toda Galicia. A segunda terá lugar con posterioridade nas datas marcadas polos tribunais.
Na provincia da Coruña haberá probas na Coruña, Culleredo, Fene, Ferrol, Narón, Oleiros e Santiago de Compostela, mentres que en en a de Lugo será en Monforte, Lugo e Viveiro.
O resto de exames celebraranse no Carballiño, Ourense, Ribadavia e Vilamarín, na provincia ourensá; e na Estrada, Cangas, Lalín, Ponteareas, Pontevedra, O Porriño, Valga, Vilagarcía de Arousa e Vigo, na pontevedresa.
Os tribunais ascenderán a un total de 368, o que supón máis do dobre das oposicións do ensino do ano 2019
Así mesmo, A Coruña contará con 24 sedes, Vigo con 22, Santiago con 15, Pontevedra e Ourense con 14 e Lugo con 12.
En Ferrol haberá sete sedes, en Culleredo catro, en Ponteareas tres e dúas en Narón, Lalín e Vilagarcía, mentres que o resto contará cunha única sede.
Os recintos dispostos serán colexios, institutos, escolas oficiais de idiomas, centros integrados de FP, conservatorios de música e danza, escolas de arte e superiores de deseño e algunha escola universitaria. A Coruña acollerá probas de 27 especialidades, Vigo de 18, Santiago de 17, Pontevedra de 14, Lugo de 13 e Ourense de 12.
Os tribunais ascenderán a un total de 368, o que supón máis do dobre das oposicións do ensino do ano 2019. Así mesmo, hai 25.710 persoas inscritas nestas probas.
O persoal opositor deberá consultar no Portal Educativo a información e recomendacións que poida realizar o tribunal ao que está adscrito
PROTOCOLO. As medidas de reforzo van acompañadas dun protocolo de adaptación á covid. Entre os puntos principais indícase que só poderán acceder as persoas opositoras, gardar unha distancia de 1,5 metros, o uso obrigatorio de máscara cirúrxica ou hixiénica ou a hixiene de mans con xel hidroalcohólico á entrada e saída, entre outras.
Así mesmo suprímese o acto de presentación e será cada tribunal o que comunique a través do Portal Educativo a aula concreta na que se examinará cada persoa e todas as cuestións que sexan necesarias, mentres que a identificación realizarase na propia mesa, cando xa estean sentadas, para evitar aglomeracións.
O persoal opositor deberá consultar no Portal Educativo a información e recomendacións que poida realizar o tribunal ao que está adscrito.
PRAZAS DE RESIDENCIA. Doutra banda, a Xunta acaba de publicar no Diario Oficial de Galicia a orde pola que se convocan prazas de residencia nos centros residenciais docentes (CRD) da Coruña, Ourense e Vigo para realizar estudos postobrigatorios non universitarios (de Bacharelato e ciclos FP fundamentalmente) no curso 2021/22.
Lorenzana incidiu no emprego xuvenil como unha das liñas de actuación da Xunta, con 7.825 menores de 30 anos fose do paro respecto de hai un ano
O obxectivo é facilitar o acceso a esta formación ao alumnado que se escolariza en localidades distintas ao seu domicilio habitual, motivado polo feito de que os estudos que realiza non se impartan en ningún centro sostido con fondos públicos da súa localidade de residencia nin noutra próxima que lle permita o desprazamento diario con facilidade.
No actual curso goza deste servizo de forma gratuíta máis do 90% do alumnado que emprega dos centros residenciais docentes.
CAMPUS VIRTUAL. Finalmente, a conselleira de Emprego e Igualdade, María Jesús Lorenzana, participou este xoves na IX edición da Feira de Emprego organizada pola Cámara de Comercio da Coruña, na que confirmou que a Xunta abrirá un campus virtual que impartirá toda a oferta autonómica de formación para o emprego
Lorenzana incidiu no emprego xuvenil como unha das liñas de actuación da Xunta, con 7.825 menores de 30 anos fose do paro respecto de hai un ano e cun aumento de 6.720 persoas novas nas afiliacións á Seguridade Social.
