Dous incendios forestais que afectan o Parque Natural da Baixa Limia-Serra do Xurés foron rexistrados nos concellos de Entrimo (parroquia da Illa) e Lobios (parroquia de Riocaldo).
Diso informou a Consellería do Medio Rural, que detalla que, segundo os primeiros indicios, estes lumes, que xa foron estabilizados, puideron ser causados por un raio.
En concreto, o incendio de Entrimo rexistrouse ás 21.07 horas e quedou estabilizado ás 21.51 horas. As primeiras estimacións cifran a superficie afectada en menos dunha hectárea.
Pola súa banda, o incendio de Lobios empezou ás 20,33 horas e quedou estabilizado ás 22.16 horas.
SEADUR. Os medios antiincendios tamén traballan na extinción doutro incendio en Seadur, Larouco.
