Vilariño de Conso foi epicentro dun sismo de 3,1 graos que se deixou notar minutos logo das nove a mañá deste venres neste municipio ourensán, segundo recolle o Instituto Xeográfico Nacional (IGN). E aínda que non deixou danos materiais, si foi percibido polos veciños da comarca de Viana.
Persiste, xa que logo, a actividade sísmica en Galicia un mes máis tarde do enxame de terremotos da comarca tamén ourensá da Limia, que acumulou máis de 80 tremores nunha semana.
TREMOR EN QUIROGA. E horas antes, o xoves, detectouse outro sismo a uns 50 quilómetros de distancia, no municipio lucense de Quiroga. Neste caso, foi de magnitude 2 e con epicentro a 17 quilómetros de profundidade, segundo os rexistros do Instituto Xeográfico Nacional (IGN). Tívose constancia del sobre as 15.20 pero non foi perceptible.