Os servizos de urxencia trasladaron ao Hospital Álvaro Cunqueiro de Vigo á primeira hora da pasada madrugada a un home de 72 anos que foi rescatado da auga en Bouzas.
Un particular que o viu agarrado á ponte chamou ao 112 Galicia para pedir axuda pasada a medianoite.
A súa chamada facilitou a activación dun operativo coordinado por Salvamento Marítimo, que enviou á zona unha embarcación.
Mentres, por terra, desprazábanse equipos da Policía Nacional e a Policía Local.
Os axentes servíronse de dúas embarcacións privadas para acceder ata onde estaba o home, que permanecía na auga boca arriba e con movemento.
Unha vez fose da auga, unha ambulancia de Urxencias Sanitarias de Galicia-061 trasladouno consciente ao hospital.