Os condutores que circulaban na mañá deste xoves pola Nacional 550 topáronse cunha inusual estampa ao comprobar que un coche circulaba pola vía cun estraño apéndice que, a primeira ollada, podía parecer unha especie de gancho e que era, en realidade, parte da defensa lateral do vehículo, que se atopaba despegada.
O turismo foi captado cando se desprazaba pola citada estrada nas proximidades da rotonda de Briallos, en Portas, e no concello de Barro.