A mellora da presenza de biotoxinas nos polígonos de mexillón e bancos marisqueiros permitiu a apertura de seis polígonos de bateas e outras zonas zonas de extracción de moluscos.
O Instituto Tecnolóxico para o control do medio mariño (Intecmar) constatou unha melloría e os resultados das análises avalaron onte a apertura de seis polígonos de mexillón na ría de Arousa e en zonas de moluscos infaunales de Arousa e a ría de Vigo.
Deste xeito, a día de hoxe, e en comparación coa semana central de agosto, está a detectarse un descenso na concentración das células de fitoplancto tóxico, o que apunta a unha fase descendente do episodio, sinala o Intecmar.
A pasada semana, a conselleira de Medio Rural e Mar, Rosa Quintana, confiara na mellora da situación da toxina, que entón mantiña pechados o 40 por cento das zonas de extracción de marisco e do 88 por cento de bateas de mexillón.
