As protestas de traballadores da concesionaria de xardíns en Vigo, Althenia, en folga desde este luns, interromperon por dez minutos a celebración do Pleno municipal, no que se escoitaron desde a zona dos público berros de "corruptos" e graznidos de pato.
Un grupo de traballadores accedeu ao salón de plenos, mentres outros facían unha pitada no exterior do consistorio, e reclamaron a berros igual salario para o persoal subrogado da anterior concesionaria.
Denuncian diferenzas salariais de ata 6.000 euros anuais.
"Esta concesión cheira a corrupción", clamaron reiteradamente os traballadores cando o concelleiro de Facenda, Jaime Aneiros, daba parte do informe trimestral de tesourería sobre o cumprimento dos prazos de pagos a provedores.
Tras agardar aproximadamente dez minutos a que as protestas cesasen, o alcalde, Abel Caballero, ordenou reiniciar o pleno, o primeiro desde as imputacións do rexedor, tres concelleiros do equipo de Goberno local e dun edil do PP.
Protestas de traballadores de xardíns e graznidos de pato no pleno de Vigo
Empregados da concesionaria Althenia, en folga desde este luns, interromperon a berro de "corruptos" a sesión plenaria, a primeira desde a imputación de Abel Caballero e doutros catro membros da corporación local na operación Patos