O presidente da República de Portugal, Marcelo Rebelo de Sousa, cumpriu coa promesa realizada ao titular da Xunta, Alberto Núñez Feijóo, e peregrinou a Santiago polo Ano Santo percorrendo a pé varios tramos do Camiño portugués.
Aínda que emprendeu a viaxe a título persoal, as redes sociais deron conta do seu traxecto.
Rebelo de Sousa xa avanzara en maio a súa intención de realizar o Camiño. "Aínda que xa o fixo en dúas ocasións, estamos máis que satisfeitos ante o compromiso do presidente da República e poder contar así cun peregrino especial", dixo entón Feijóo tras reunirse co dirixente luso.