O sorteo da Lotería Primitiva celebrado este sábado non deparou acertantes de categoría especial, pero si tres da primeira que se embolsarán —cada un— 490.493 euros. Un deses agraciados selou a súa aposta nunha administración de Barrantes, en Ribadumia. É a número 1 e está situada na rúa Bouza Martín.
Os outros dous boletos premiados validáronse en Santander e en El Puerto de Sagunto, en Valencia.
A combinación gañadora é a formada polos números 6, 11, 17, 25, 30 e 43, co 40 de complementario e o 7 de reintegro.
Co bote xerado, no próximo sorteo da Primitiva un único acertante de máxima categoría podería gañar 40 millóns de euros.
