Un pontevedrés salvou a vida tras precipitarse desde un décimo piso nun edificio da rúa Augusto García Sánchez, en Campolongo. O milagre debeuse, ao parecer, a que unha árbore amorteceu a caída.
O suceso, ocorrido ao redor das 13.00 horas deste mércores, causou unha grande expectación na zona, ata onde se trasladaron efectivos da Policía Nacional, Policía Local e do 061. O home foi evacuado en ambulancia e estaba consciente.