A Policía Local de Tui rescatou esta fin de semana seis cachorros acabados de nacer que alguén tirara a un colector de lixo. Os animais, metidos nunha bolsa de plástico, presentaban síntomas de hipotermia cando foron localizados, xa de noite.
Recibida a alerta, a Protectora de Animais Aloia de Tui mobilizouse para buscar voluntarios que puidesen coidar os cachorros, que tiñan só dous días de vida e estaban "empapados". O colectivo asegura que "recolleron varios casos exactamente iguais nese mesmo colector", nas Bornetas.