O Concello de Oleiros lanzou unha polémica campaña para denunciar os problemas de seguridade viaria no municipio na que emprega unha montaxe na que se ve unha imaxe da conselleira de Infraestruturas sendo vítima dun atropelo.
O Concello iniciou unha campaña informativa para denunciar os problemas de seguridade viaria existentes en diversos puntos de estradas autonómicas de Oleiros, que a Xunta négase a solucionar. pic.twitter.com/noj2HDPvgZ
— Concello de Oleiros (@ConcelloOleiros) May 13, 2022
O alcalde de Oleiros, Ángel García Seoane, presentou esta campaña co obxectivo de reclamar medidas á Xunta para solucionar os problemas existentes que, ao seu xuízo, se nega a solucionar.
No cartel, no que se chama "Xusta" de Galicia á Xunta de Galicia, vese como un coche alcanza a Ethel Vázquez, que sae voando por enriba do capó. Xunto á imaxe, pódese ler: "Camiña, xógate a vida".
Ángel García Seoane é alcalde de Oleiros desde 1985 polo partido Alternativa dos Veciños. Gelo, como é coñecido, impulsou no municipio cunha das rendas máis altas de Galicia actuacións rechamantes como a construción dunha enorme estatua do Che Guevara.