Dúas persoas tiveron que ser trasladadas logo de sufrir unha colisión, por alcance, entre tres vehículos, na estrada DP-5813, ao seu paso polo concello coruñés de Sada, segundo informa o 112.
Pouco antes das oito e media da tarde, un particular informaba ao 112 Galicia deste sinistro, polo que, nese momento, os xestores do Centro Integrado de Atención ás Emerxencias de Galicia deron aviso ao Servizo de Urxencias Sanitarias de Galicia-061.
Tamén se deu aviso á Garda Civil de Tráfico, ao Servizo Municipal de Protección Civil, así como á Policía Local e aos Bombeiros de Betanzos.
Xa no lugar, os axentes desprazados ata o punto afirmaron que se tratou dun choque por alcance nunha rotonda. Finalmente, os servizos sanitarios confirmaron o traslado de dúas persoas ao Hospital de San Rafael, na Coruña.
