A propiedade do Pazo de Meirás, residencia estival da familia de Francisco Franco en Sada (A Coruña), chegará este venres aos tribunais, onde os herdeiros do ditador e o resto de partes acudidas na causa aberta pola Avogacía do Estado decidirán, entre outras cuestións, se se acorda ou non a súa devolución ao patrimonio público.
O O Pazo de Meirás chega aos tribunais acollerá a audiencia previa ao xuízo sobre este inmoble, que nos últimos anos protagonizou unha infinidade de reclamacións desde Galicia para que volva ser integrado nos bens do Estado, fronte á teoría da familia Franco de que o pazo foi unha doazón do pobo galego ao ditador.
A Xunta de Galicia e os concellos de Sada e A Coruña comparecerán como parte neste proceso, no que tamén solicitou a súa incorporación a Deputación da Coruña.
A Avogacía do Estado presentou o pasado mes de xullo unha demanda contra os herdeiros de Franco pola propiedade do pazo, na que sostén que a compra do este inmoble por parte do ditador en 1941 foi "simulada" e "fraudulenta".
Argumenta que unha acta notarial de 1938 descoñecida ata agora confirma que a propiedade xa era residencia de verán do entón xefe do Estado da zona sublevada, e detalla que a compra se realizou o 3 de agosto de 1938 pola Xunta prol Pazo do Caudillo por 406.346 pesetas aos herdeiros de Emilia Pardo Bazán.
Trátase dunha escritura anterior á que tres anos despois, en 1941 e acabada a guerra, asinou Franco por un suposto prezo de 85.000 pesetas, unha segunda compravenda ficticia que, segundo a Avogacía do Estado, permitiu ao ditador a inscrición do inmoble ao seu nome no Rexistro da Propiedade.
Esta demanda responde á resolución de xullo de 2018 aprobada por unanimidade polo Parlamento de Galicia, na que se insta ao Estado a exercitar as accións legais procedentes para a recuperación do pazo para o patrimonio público.
O Xulgado de Primeira Instancia número 1 da Coruña acordou que conste no rexistro da propiedade devandita demanda.
