Os tres aeroportos galegos da rede Aena moveron en outubro en conxunto 365.377 pasaxeiros, o que supón un incremento do 8,8% respecto ao mesmo mes do ano anterior, segundo datos ofrecidos polo operador aeroportuario.
O aeroporto galego que máis pasaxeiros moveu o pasado mes foi o de Lavacolla, en Santiago de Compostela, con 210.265, o que supuxo un aumento do 11,1 por cento máis que en mesmo mes do ano anterior.
O Aeroporto da Coruña, Alvedro, rexistrou en outubro un total de 90.810 pasaxeiros, mentres que por Peinador (Vigo) pasaron un total de 64.302 pasaxeiros, o que supón un incremento do 8,7 por cento respecto ao mesmo período do ano anterior.
En canto ao tráfico de mercancías, a terminal coruñesa foi a que máis creceu respecto ao mesmo mes do 2014. Alvedro moveu máis de trece toneladas durante o último mes, o que supón un notable incremento do 170,5 por cento.
Peinador tamén experimentou un importante crecemento dun 42,4 por cento, ao transportar máis de 54 toneladas, mentres que en Santiago o aumento foi dun 5,2, ata alcanzar as 223 toneladas de carga.
