Os aeroportos de Santiago de Compostela e Vigo perderon pasaxeiros no mes de febreiro en comparación co ano anterior, mentres que A Coruña rexistrou un incremento do 8,4%. Segundo os datos publicados este luns por Aena, as tres instalacións perderon en conxunto no segundo mes do ano 915 usuarios, ata os 286.238, o que supón un 0,32% menos que hai un ano.
A única cifra positiva foi a de Alvedro. Pola terminal herculina pasaron 79.243 viaxeiros, un 8,4% máis que hai un ano. Dese total, 70.042 viaxaron en traxectos nacionais e 8.509 internacionais. E ademais moveu máis de 14 toneladas de mercancías.
O aeroporto de Santiago, en cambio, non sae tan ben parado. Rexistrou durante o mes de febreiro 148.756 pasaxeiros, un 2,7% menos que no mesmo mes do ano anterior. Dos que se embarcaron en voos comerciais, 124.736 fixérono rumbo a destinos nacionais (un 6% menos) e outros 23.654 aterraron no estranxeiro (un 17,6% máis).
Finalmente, Peinador foi utilizado no segundo mes do ano por 58.239 usuarios, un 4,9% menos que en febreiro de 2016. Destes, 56.392 fixeron traxectos nacionais e 1.847 internacionais.
Os aeroportos de Santiago e Vigo perderon pasaxeiros en febreiro fronte ao crecemento da Coruña
En conxunto, as tres terminais galegas foron utilizadas no segundo mes do ano por 286.238 usuarios, 915 menos que no mesmo período do exercicio anterior
