O presidente da Asociación Galega de Orquestras, Manuel Fariña, afirma que o protocolo establecido pola Xunta de Galicia para a celebración de verbenas na comunidade autónoma, que será publicado previsiblemente este venres -día 19 de xuño-, "non é nada restritivo", de modo que "ninguén vai deixar unha festa sen facer se non quere".
En declaracións a Efe, Manuel Fariña explicou que á hora de confeccionar ese protocolo de seguridade a Xunta de Galicia foi "case espléndida" e estableceu unhas "normas moi sinxelas" e de fácil aplicación, en consonancia coas recomendacións das autoridades sanitarias para previr contagios de coronavirus.
Explicou que "vaise a poder estar de pé, por suposto", simplemente "mantendo a distancia de seguridade" e con sentido común, porque "se un dorme coa súa muller, é evidente que tamén poderá bailar con ela na festa".
"Os horarios van ser os normais", engadiu, e o bo funcionamento das verbenas vai depender moito tamén da propia "responsabilidade" das persoas, porque se os "excesos" nunca son benvidos, no momento actual son aínda menos tolerables.
Fariña recoñeceu que "o protocolo chega un pouco tarde", porque en realidade "estamos a menos de quince días de que empece a tempada"
Fariña recoñeceu que o sector está a pasar unha profunda crise, porque se quedaron sen traballo da noite para a mañá e as orquestras apenas teñen datas collidas no calendario, pola anulación da maioría das festas programadas.
De feito, cando comezou a urxencia sanitaria, recoñeceu que xa eran conscientes de que nesta situación ían ser os primeiros en pechar e os últimos en abrir".
Nese sentido, recoñeceu que "o protocolo chega un pouco tarde", porque en realidade "estamos a menos de quince días de que empece a tempada" e "todo xullo pódese perder por tardar tanto" a normativa.
