O titular do xulgado de primeira instancia e instrución número 1 de Ribeira, Félix Isaac Alonso Peláez, prorrogou por un mes máis o segredo das actuacións na causa sobre a desaparición da moza madrileña Diana Quer na Pobra do Caramiñal. O maxistrado tomou posesión da praza no mes de novembro, tras o traslado a Betanzos da primeira xuíza que se encargou da investigación deste caso ata mediados de outubro.
A madrileña Diana Quer desapareceu na madrugada do 22 de agosto de 2016 tras asistir ás festas da localidade coruñesa da Pobra do Caramiñal, onde veraneaba coa súa nai e irmá menor. Logo das dilixencias e probas practicadas ata a data, entre elas a localización do seu teléfono móbil, polo momento todas as hipóteses seguen abertas.
O xulgado prorroga outro mes o segredo de sumario do caso Diana Quer
Sete meses logo da desaparición da moza madrileña na Pobra do Caramiñal todas as hipóteses sobre o sucedido seguen abertas
