Unha saída de vía dun turismo no municipio coruñés de Culleredo saldouse con tres persoas feridas, entre as cales se atopa un neno. O accidente, segundo informa o 112, produciuse en torno ás 12.35 horas deste domingo no acceso da AC-14 á A-6, en sentido A Coruña-Arteixo.
A central de urxencias, tras recibir a alerta de mans do 061-Urxencias Sanitarias, informou dos feitos aos bombeiros de Arteixo, a Protección Civil de Culleredo, á Garda Civil de Tráfico e á Policía Local.
CERCEDA. Por outra banda, unha persoa resultou ferida de consideración tras envorcar o turismo co que circulaba polo municipio coruñés de Cerceda. Segundo informa o 112, o accidente tivo lugar na Silva sobre as 15.55 horas da tarde. O 061-Urxencias Sanitarias mobilizou ata o lugar o helicóptero medicalizado con base en Santiago, que trasladou á persoa afectada a un centro hospitalario. Tras ter constancia do sinistro, o centro do 112 requiriu a intervención dos servizos sanitarios, os bombeiros de Ordes, a Garda Civil de Tráfico e Protección Civil da localidade.