O alcalde de Vigo, Abel Caballero, visitou este domingo as obras de montaxe da noria e doutros elementos da instalación do Nadal da cidade, onde asegurou que o aceso da iluminación –que terá lugar o día 20 de novembro ás 20.30 horas e que se seguirá "en toda España e Europa"– marcará o inicio do Nadal "en todo o planeta".
Montaje de la noria y la rampa de nieve. Vigo tendrá este año la Navidad más importante de su historia pic.twitter.com/Qbn7RtoHu9
— Abel Caballero (@abelcaballero) November 7, 2021
O rexedor sinalou que Vigo contará coa nora máis alta e a pista de xeo máis grande de España, de 12 metros. A esta última sumaranse ademais outras situadas en Samil, outra máis pequena no Areal e outra sen pendentes.
"Imos ter a máis importante Nadal que houbo nunca en Vigo. E imos asistir a un dos fenómenos turísticos que se viu nunca en España, o nadal de Vigo", vaticinou o alcalde, que recordou que canto arrincou, hai catro anos, contaban con cero visitantes, mentres que agora "son millóns".
Neste sentido, Caballero recalcou que o Nadal vigués ten "un tirón inconmensurable", dado que a seguen axencias de viaxes de toda España e "enche hoteis de Vigo, de Pontevedra e de Ourense".