O municipio ourensán de Baltar rexistra un tremor de magnitude 3,2

O sur do municipio ourensán de Baltar foi epicentro dun sismo de magnitude 3,2 na escala Richter que se deixou notar en varias localidades á redonda. 

Segundo a información ofrecida polo Instituto Xeográfico Nacional, o terremoto produciuse ás 02,17 horas do sábado a escasos quilómetros da frontera entre Galicia e Portugal, dentro do concello de Baltar. 

O tremor de terra foi percibido en varias localidades da contorna, chegando a sentirse en Xinzo de Limia, a máis de 25 quilómetros do epicentro do sismo.