Unha persoa faleceu e outra resultou ferida de consideración nunha colisión entre un turismo e unha furgoneta no municipio coruñés de Aranga, informou a Efe o 112 Galicia.
Os feitos ocorreron no punto quilométrico 5 da estrada que une as localidades de Curtis e Montesalgueiro sobre as 14.00 horas deste venres, momento en que unha persoa particular informou o accidente a Urxencias.
Entón, desde o 112 Galicia avisouse aos profesionais de Urxencias Sanitarias de Galicia-061, que mobilizaron o helicóptero medicalizado que trasladou á persoa ferida ao hospital.
Ademais, os Bombeiros de Betanzos tiveron que excarcerar a unha persoa, xa falecida.
Tamén interviñeron os efectivos do GES de Curtis e a agrupación de Tráfico da Garda Civil.