O piloto dunha motocicleta morreu esta madrugada ao chocar contra o muro dun colexio en Vigo.
O accidente ocorreu pasadas as 04:35 horas na rúa Pi e Margal, á altura do número 60.
Por circunstancias que se descoñecen, a moto desviouse da súa traxectoria ata impactar contra a fachada do colexio plurilingüe Inmaculada Carmelitas.
Ata o lugar do sinistro desprazáronse varias dotacións da Policía local, unha ambulancia medicalizada e efectivos de Protección Civil.