A Consellería de Sanidade notificou este sábado o falecemento dunha muller hospitalizada con covid, co que as mortes rexistradas en Galicia desde o inicio da pandemia elévanse a 2.461.
A última falecida é unha muller de 92 anos que estaba ingresada no Hospital do Salnés e que presentaba patoloxías previas.
O seu caso coñécese despois de que o venres Sanidade comunicase tres mortes.
Os datos sobre a evolución pandemia actualizados este sábado polo Sergas reflicten que os hospitais públicos de Galicia teñen 40 persoas ingresadas en unidades de coidados intensivos, catro máis que no anterior reconto, e 221 en planta, 45 menos que o día anterior, o que suma 261 pacientes.
