Unha muller de 94 anos que faleceu no Complexo Hospitalario Universitario de Pontevedra tras dar positivo en coronavirus convértese na vítima número 169 da pandemia na área sanitaria. A Consellería de Sanidade notificou a última hora deste martes dun único deceso en Galicia vinculado ao covid-19, o desta nonaxenaria que, segundo precisou o Sergas, tiña patoloxías previas.
A morte desta anciá eleva a 2.376 o saldo de falecidos co virus desde o inicio da crise sanitaria en Galicia.
