Un octoxenario faleceu este luns logo de ser atropelado por un turismo cando cruzaba un paso de peóns en Soutelo de Montes, no municipio pontevedrés de Forcarei. Segundo informaron a Europa Press fontes da Garda Civil e do 112 Galicia, o sinistro tivo lugar sobre as 19.30 horas na parroquia de Magdalena de Montes.
Ao lugar do accidente o 061 desprazou unha ambulancia de soporte vital avanzado, outra de soporte vital básico e un equipo sanitario de Atención Primaria para atender o home J.M.A.V., de 87 anos, que foi evacuado ao Hospital Montecelo de Pontevedra, onde faleceu.
A persoa que conducía o turismo implicado no atropelo deu resultado negativo na proba de alcoholemia, segundo informou o instituto armado.