Un mozo de 22 anos que conducía unha moto faleceu na tarde deste xoves nun accidente de tráfico rexistrado no Rosal, no quilómetro 52,400 da estrada PO-552. O mozo era o único ocupante do vehículo e levaba casco, atendendo á información facilitada pola Garda Civil.
Os primeiros indicios apuntan a que a moto se saíu da vía pola marxe esquerda e chocou cun noiro. O sinistro ocorreu sobre as seis da tarde e levou a mobilizar persoal sanitario, ao GES da Guarda e a Protección Civil, ademais do instituto armado.