A Asociación para a Recuperación da Memoria Histórica (ARMH) asegura que xa dispón de todos os permisos necesarios para realizar unha exhumación no cemiterio da parroquia de Rao, en Navia de Suarna, onde busca os restos de Salvador Voces Canóniga, un guerrilleiro berciano abatido en 1948 nun enfrontamento coa Garda Civil.
Confirmoullo a Efe o vicepresidente da asociación, MarcoGonzález, quen recordou que a ARMH xa fixo un primeiro intento o pasado mes de outubro, pero entón fóronlle requiridos para realizar a exhumación os permisos de Sanidade e de Patrimonio. "Agora xa os temos", indicou, polo que se procederá a realizar a exhumación.
Na primeira ocasión, os veciños de Rao paralizaron os traballos do persoal da asociación cando xa cavaran un hoyo no lugar do cemiterio onde se supón que se atopa o corpo de Salvador Voces Canóniga. Os veciños argumentaban que a asociación carecía de permiso dos citados departamentos da Xunta e que a autorización do obispado para actuar no camposanto estaba supeditada á supervisión do párroco, que ese día non se atopaba no lugar.
O vicepresidente da ARMH, Marco González, indicou que o colectivo solicitou tamén permiso para realizar outra exhumación no lugar de Torés, no municipio das Nogais. Neste caso, trátase, segundo indica Efe, dun home da zona de Betanzos que foi asasinado o ano 1936.
