A Consellería de Medio Ambiente concedeu a autorización administrativa para a construción dun cámping na illa de Ons, Pontevedra.
O permiso é un paso previo á concesión da licenza municipal, que corre a cargo do concello de Bueu.
O cámping ocupará o 4,51% da parcela de 8.700 metros cadrados na zona alta do Chan da Pólvora, un dos poucos emprazamentos nos que a acampada libre estaba autorizada en España.
O campamento terá capacidade para 276 persoas en 72 parcelas, con bloque de recepción, cafetería, cabana de garda, aseos, lavandería, recollida de lixos e zona de xogos infantís.
O recinto será xestionado polo grupo Acuña, ao que lle foi concedido por 600.000 euros durante 30 anos.
Acuña, ligado a unha familia da illa e propietaria dunha naviera que realiza os traxectos entre a illa e o continente, gañou o contrato ao grupo de Mar de Ons, ligado a outra familia local, que recorreu a súa adxudicación.