A Asociación Animalista Libera e a plataforma Familias polo Respecto Animal, xunto a máis de 173.000 firmas nunha petición na plataforma Change.orgdenunciaron o cruel uso de colares de descargas eléctricas para adestrar cans para cacerías.
Os animalistas, informa unha nota, dirixen a súa acción contra unha coñecida gran superficie de venda de material deportivo, sinalando que a través das súas tendas físicas en Galicia e da súa páxina web é posible facer esa compra a pesar de que a normativa autonómica prohiba o seu uso.
Neste sentido Fare e Libera! recordan que a Lei de Benestar Animal de 2017 cualifica como infracción grave o emprego de elementos ou ferramentas que poidan causar danos aos animais, e o uso de colares que emiten descargas pode ser sancionable con ata 5.000 euros e a inhabilitación para a tenencia de animais por un máximo de cinco anos.
Con todo ambas as plataformas denunciaron que a continuidade do seu comercio sen restricións provoca que calquera cazador poida adquirilos, ben in situ, ben a través de Internet, e utilizalo sen que exista constancia real.