Mar subvencionará o 25 % do seguro dos mariscadores

A Consellería do Mar publicou hoxe no Diario Oficial de Galicia (DOG) a Orde que permitirá subvencionar ata o 25 por cento do seguro marítimo obrigatorio e a de accidentes de mariscadores a pé, cun límite máximo de 25 euros por tripulante e mariscador.

O departamento da Xunta explica nun comunicado que, con esta iniciativa, pretende promocionar a cultura do seguro entre o sector, axudando a que os profesionais do mar poidan cumprir a obrigatoriedade de subscribir un seguro básico, tal e como establece a nova Lei de Pesca.

Para requirir a subvención, entre outros requisitos, debe presentarse a póliza de seguro en vigor e cunha vixencia mínima dun ano e ter tamén en vigor o permiso para o exercicio da actividade pesqueira, marisqueira e acuícola.

Comentarios