O presidente da Xunta en funcións, Alberto Núñez Feijóo, anunciou este mércores que, nun contexto sanitario marcado pola pandemia do coronavirus, a Administración galega "redobra o seu esforzo" contra a gripe e contará con 865.832 doses de vacinas, unhas 200.000 máis que na campaña do ano pasado. Buscarase chegar a un maior número de cidadáns, en especial a aquela poboación maior de 65.
Feijóo explicou que a campaña empezará o próximo 12 de outubro e estenderase ata final de ano, cunha duración de 12 semanas. Haberá 900 puntos de vacinación, entre os que se atopan centros de Atención Primaria, residencias ou centros de menores e discapacitados.
"Ante un inverno que non sabemos que nos vai a deparar pola convivencia entre gripe e Covid, redobramos o esforzo nunha nova campaña", remarcou o xefe do Executivo autonómico.
O obxectivo, segundo avanzou o presidente, é cubrir ao 75% da poboación maior de 65 anos, ademais doutros colectivos de risco. Deste xeito, a porcentaxe de persoas maiores vacinada co antigripal ascendería nun total de 15 puntos respecto ao pasado ano.
