Os veciños concéntranse para condenar a morte de Mónica

Máis dun centenar de veciños do barrio do Birloque, na Coruña, concentráronse na tarde deste xoves para condenar o crime de Mónica Marcos apuñalada supostamente pola súa parella esta madrugada no seu domicilio.

Amigos, achegados e veciños, conmocionados, achegáronse ás 20.00 horas ás portas da panadería que rexentaba a vítima para rexeitar o crime.

Moitos deixaron no acceso a este negocio familiar ramos de flores e mensaxes de afecto.
"Pola túa amabilidade incondicional, pola túa alegría infinita e polo teu enorme sorriso. Unha persoa só morre cando cae no esquecemento e ti permanecerás viva nos nosos recordos", reza unha nota que alguén pegou na porta da panadería.

NELA, AGRADECE A SÚA INMENSA XENEROSIDADE. Os asistentes á concentración, consternados, gardaron silencio e culminaron cun caloroso aplauso.

Algúns veciños recordan os berros do fillo da muller cando a atopou nun charco de sangue minutos antes das 2.00 horas desta madrugada.

#Coruña Agora mesma concentración ás portas da panadería do Birloque, lugar onde traballaba a muller asasinada esta pasada madrugada.#NiUnaMenos< href="https://twitter.com/hashtag/NosQueremosVivas?src=hash&ref_src=twsrc%5Etfw">#NosQueremosVivas < href="https://t.co/eXp3C8Izr2">pic.twitter.com/eXp3C8Izr2<> — Eloy TP (\EloyTP) September 16, 2021<>

"Non se me esquecerán na vida os berros dese mozo", sostén Sonia, unha muller que vive no edificio de en fronte e que relata como viu chegar aos familiares ao longo da noite.

Sonia deixoulle un ramo de flores á que define como "unha moza súper simpática, moi agradable".

A presidenta da Asociación Veciños de San Cristovo das Viñas, María José Castelló, expresou a súa repulsa e sostivo que "o barrio está consternado". Por iso, quixo "condenar o que fixo un lercho" e esperou que o collan" e pague por iso.

Mónica, moi querida no barrio, tiña dous fillos, un home e unha muller. O negocio da panadería herdouno do seu pai, quen rexentou a tamén chamada panadería O Birloque noutro local próximo.

O suposto autor do crime, un home de 48 anos, deuse á fuga e continúa en paradoiro descoñecido. Ten antecedentes por violencia de xénero a outras dúas mulleres.