Lunes. 19.11.2018 |
El tiempo
Lunes. 19.11.2018
El tiempo

Louzán e Reguera alegan que o delito que se lle imputa no caso dos alugueres non estaba tipificado

O presidente da Federación Galega de Fútbol, Rafael Louzán. AEP
O presidente da Federación Galega de Fútbol, Rafael Louzán. AEP

Negan que exista irregularidade algunha no contrato de arrendamento de tres baixos comerciais en Vigo

As defensas do expresidente da Deputación e o PP de Pontevedra e actual presidente da Federación Galega de Fútbol, Rafael Louzán, e a súa muller e o exdeputado provincial Severino Reguera alegaron este martes que o delito que se lles imputa —suborno activo impropio, por un sobrecusto no prezo do aluguer de tres baixos comerciais en Vigo— non estaba tipificado cando supostamente se cometeu, aínda que en todo caso negan que exista irregularidade algunha no contrato de arrendamento subscrito entre os procesados.

A sala do civil e o penal do Tribunal Superior de Xustiza de Galicia acolleu este martes a vista do recurso de apelación contra a causa aberta a estas tres persoas. O letrado de Reguera argumentou que se vulnerou o principio de legalidade, posto que o delito que se lle imputa ao seu cliente non estaba tipificado na época na que se produciron os feitos, no ano 2008. O delito foi tipificado en 2010 coa reforma do Código Penal, recordou antes de engadir que no caso de que houbese delito este estaría prescrito.

A defensa tamén fixo fincapé en que o contrato de arrendamento asinado entre Severino Reguera e o matrimonio Louzán "é un contrato civil, sen ningunha peculiaridade", aínda que a Fiscalía considera que o prezo é "desorbitado" e que esconde un agasallo feito por Reguera "ao señor Louzán por ser deputado". Tanto o avogado de Reguera como o do matrimonio negaron ambas as acusacións e insistiron en que o deputado xa ostentaba o seu cargo na Deputación cando Rafael Louzán chegou á Presidencia. Aseguraron que, en todo caso, os alugueres de locais na zona de Navia (Vigo) eran moi similares ao prezo dos locais lindeiros.

As defensas remarcaron a "transparencia" do contrato asinado en 2008, alegando que o pago das mensualidades realizouse, ademais, por transferencia bancaria "o que constata que non había nada que ocultar". 

O letrado de Reguera concluíu que o seu cliente "non pode ser xulgado por un delito que nin tan sequera estaba tipificado" e que a acusación "é insostible".

Pola súa banda, a defensa do actual presidente da Federación Galega de Fútbol mantivo os mesmos argumentos que o do deputado popular, pero se referiu a que a acusación da Fiscalía baséase nuns "informes policiais" aos que ningún dos letrados da defensa tivo acceso. Manifestou ademais que "sen estes informes non hai causa" e lamentou a oposición da Fiscalía "cada vez que" intentaron interrogar eses axentes".

Recordou que os avogados defensores achegaron informes periciais e "multitude de contratos daquela época" que avalan que o prezo do aluguer era o prezo do mercado naquel momento. O avogado de Louzán subliñou que o importe do aluguer estipulado no contrato é legal "dentro dunha economía de libre mercado". 

Louzán e Reguera alegan que o delito que se lle imputa no caso dos...
Comentarios