O veciño do Burgo, en Culleredo, que faltaba do seu domicilio desde o pasado 28 de maio, foi localizado en bo estado, segundo informou a Garda Civil. Tamén a plataforma SOS Desaparecidos, que divulgara o caso, desactivou a procura do home, de 55 anos.
A súa parella presentou unha denuncia na que comunicaba que non regresara a casa logo de finalizar a súa quenda de traballo. Por iso, o instituto armado iniciou unha investigación para esclarecer os feitos. O home fora visto por última vez botando gasolina nun establecemento de Bergondo tras non regresar á súa vivenda e aínda vestía a indumentaria de traballo.
