A lei de igualdade incidirá na prevención da violencia en redes

A Xunta investirá 6,2 millóns en axudas para promover a igualdade, a corresponsabilidade e o "benestar laboral" ► Tamén creará un centro de ciberseguridad en San Cibrao das Viñas

Alberto Núñez Feijóo. ROSA VEIGA (Europa Press)
photo_camera Alberto Núñez Feijóo. ROSA VEIGA (Europa Press)

A futura lei de igualdade de Galicia será exposta á achega da cidadanía este mes de marzo, coincidindo coa celebración do Día Internacional da Muller o día 8. Nela, avánzase en varios aspectos, como a prevención da violencia en redes sociais, en liña do que xa se acordou nunha modificación lexislativa esta lexislatura a proposta do PPDEG e co apoio do BNG e PSdeG.

Outro dos asuntos que abordará a normativa é a introdución do concepto de benestar "laboral", na liña de avanzar nas medidas de conciliación e, ao tempo, de combater a discriminación neste ámbito.

Na rolda de prensa posterior á reunión do Consello, celebrada este xoves de forma excepcional en Ourense, o presidente da Xunta subliñou que con esta normativa, Galicia "dá novos pasos" cara a unha nova lei de igualdade baseada na "loita contra a discriminación e os ataques sexistas" e na "plena igualdade laboral".

Así, este mes de marzo comezará a consulta pública previa para que se poidan realizar achegas, co fin de enriquecer a futura normativa. Feijóo destacou que o obxectivo é "loita contra a violencia e discriminación das mulleres en todos os ámbitos da súa vida, así como visibilizar as novas desigualdades que xorden e tratar de erradicalas".

"Reforzamos a protección das mulleres e nenas contra os ataques sexistas e o seu difusión a través das redes ou medios tecnolóxicos", manifestou, respecto diso do que fixo fincapé na necesidade de evitar que se repitan situacións como as gravacións que se fixeron a mulleres ouriñando na rúa durante as festas da Maruxaina. Neste mesmo sentido, de feito, o Parlamento xa aprobou en novembro unha modificación da lei de 2007 para incorporar a violencia dixital como unha forma de ciberdelincuencia que afecta especialmente ás mulleres.

PROGRAMAS MUNICIPAIS. A futura normativa tamén promoverá programas municipais para crear espazos urbanos libres de violencia e acoso sexual, a través de sendas peonís seguras, sinalización clara ou paradas a demanda de transporte urbano.

Outro dos eixos sobre os que pivota a futura normativa será a defensa e visibilización das mulleres que sofren discriminación múltiple –discapacidade, etnia, pobreza, idade, etc– nunha lei na que se trata de actualizar "e unificar nunha mesma norma as actuacións e medidas para loitar contra a discriminación múltiple e os ataques sexistas e referendar o compromiso coa formación profesional e o emprego feminino de calidade".

ÁMBITO DIXITAL E BENESTAR LABORAL. En concreto sobre o ámbito dixital, a lei buscará a formación en habilidades dixitais e o seu uso no ámbito laboral, así como de protección das mulleres fronte a ataques sexistas a través de medios tecnolóxicos.

Sobre o benestar laboral, a Xunta explica que se introducirá este concepto nas empresas, vinculado coas políticas de conciliación, substitución por maternidade, prevención de riscos laborais, teletrabajo e responsabilidade social empresarial (RSE).

Así, regularanse medidas especiais para introducir a perspectiva de xénero no teletrabajo, co impulso desta modalidade laboral que a pandemia "consolidou", así como a promoción de boas prácticas no tecido produtivo galego, como o "dereito á desconexión, o acceso prioritario a esta modalidade de traballo a vítimas de violencia de xénero ou a realización de actividades de formación".

Ademais, Galicia converterase na "primeira" comunidade en recoller nunha lei os requisitos mínimos de formación en igualdade laboral, unha medida que nace de acordo co diálogo social. A Xunta seguirá fomentando o emprego feminino por conta allea, con axudas para a contratación e promoción profesional.

No caso das autónomas, establecerase a continuidade dos apoios para a contratación por maternidade ou durante o embarazo e promoverase a creación de empresas en sectores nos que as mulleres están con infrarrepresentación. 

A lei incluirá, ademais, un estatuto das mulleres rurais e do mar, co que se defenderá o compromiso de atender as súas necesidades nas políticas de emprego autonómicas, e cunha relación propia de dereitos e de medidas para o fomento do seu asociacionismo.

LÍNEA DE AXUDAS. Doutra banda, a Xunta investirá este ano 6,2 millóns de euros en axudas destinadas a entidades locais –concellos, consorcios, mancomunidades, agrupacións ou asociacións de concellos– para o desenvolvemento de programas dirixidos a promover a igualdade, a corresponsabilidade entre homes e mulleres e previr e tratar a violencia de xénero, así como para mellorar as condicións das vítimas de explotación sexual.

Os apoios, para os que se poderán solicitar anticipos de ata o 80 por cento das axudas –na pasada fixouse no 75 por cento–, inclúen financiamento para tres tipos de programas: fomento da conciliación, promoción da igualdade entre mulleres e homes e de prevención e tratamento da violencia de xénero; e apoio aos CIM. 

O primeiro dos programas, para fomento de conciliación, está dotado con 1,4 millóns de euros, para medidas que fomenten a corresponsabilidade –que van dos 18.000 euros para concellos que se presenten de forma individual aos 30.000 para peticións compartidas–. 

A segunda liña, con medio millón de euros, céntrase na promoción da igualdade e da prevención para o tratamento da violencia de xénero. As contías van dos 15.000 aos 28.000 euros

A terceira das liñas de axudas ten como obxectivo apoiar a rede de centros de información ás mulleres (CIM), integrada actualmente por 84 centros que dan cobertura a 191 concellos.

CENTRO DE CIBERSEGURIDAD EN SAN CIBRAO. Feijóo anunciou a creación dun centro galego de ciberseguridad na provincia de Ourense co obxectivo de fortalecer "a seguridade" das administracións públicas, empresas e cidadanía.

O orzamento inicial de tres millóns de euros e a previsión é que se sitúe no Parque Tecnolóxico de Galicia, situado no polígono industrial de San Cibrao das Viñas.

Esta actuación contará cun investimento de strong <>18 millóns de euros para reforzar a seguridade fronte á ciberdelincuencia e enmárcase dentro da nova estratexia galega de ciberseguridad 2022-2027.

Dentro das iniciativas postas en marcha nesta materia, destacou que xa está a funcionar o "nodo galego de ciberseguridad", ciber.galque aglutina a corenta entidades, que se dedica a executar e deseñar accións de ciberseguridad e que é "a primeira" que se constrúe en España.

Esta medida, abundou, completarase coa posta en marcha dunha campaña dirixida á cidadanía para "concienciar" sobre a importancia da ciberseguridad.

En terceiro lugar, anunciou a creación dun centro de excelencia de ciberseguridad en Galicia co obxectivo de fortalecer "a seguridade das administracións pública, empresas e cidadanía e fomentar a innovación", comentou.

Segundo explicou, as obras deste centro comezarán este mesmo ano cun investimento previsto de tres millóns de euros e "a pretensión é que se constrúa en Ourense, no Parque Tecnolóxico" de Galicia. 

Ademais da creación do Centro de Ciberseguridade de Galicia, que se situará na Tecnópole, outros anuncios foron a posta en marcha dun plan estratéxico ata 2024 que permitirá desenvolver unha aceleradora de empresas, un espazo coworking e un polígono virtual, así como para fomentar a divulgación científica, un sistema unificado da eficiencia enerxética das empresas e facilitar a captación de fondos Next Generation.

comentarios