A Xunta de Galicia licitou a conexión do porto seco de Monforte (Lugo) coa estrada LU-933 por máis de seis millóns de euros, o que permitirá absorber o tráfico xerado pola posta en marcha da futura área loxística intermodal desta plataforma.
O proxecto prevé a construción dunha nova vía duns dous quilómetros con dúas glorietas, informa a Xunta nun comunicado.
Actualmente estase finalizando a primeira fase das obras de urbanización da plataforma loxística, que xa están ao 87,37% nunha superficie de 145.745 metros cadrados.
O obxectivo do Goberno galego é fomentar a inclusión deste porto seco de Monforte como nó loxístico dentro da rede básica de transportes de mercancías da Unión Europea.
