O presidente da Confederación de Empresarios de Galicia (CEG), José Manuel Fernández Alvariño, defende que no seu día alguén tomou a decisión de crear tres aeroportos na comunidade e, en lugar de discutir "o de atrás", reclama un trato igual para as terminais da Coruña, Vigo e Santiago.
"Entendemos que ter tres" aeródromos "é unha vantaxe competitiva para os empresarios galegos, a sociedade civil e a clase política" e o que toca é coordinalos, "complementarse".
"Pero xoguemos todos coas mesmas regras de xogo", reclamou.
Un plan de cooperación é o que, ao seu xuízo, urxe, e elaborado "sen localismos", porque este fenómeno soamente "procrea seguía".
"Cun localismo non crece nada, ningunha cidade crece con localismos", conclúe, e menos "na Galicia global".
