A Junta Electoral propuxo que se sancione cunha multa de 3.000 euros ao alcalde de Vigo e candidato á reelección, Abel Caballero (PSdeG), por celebrar o pasado 14 de abril un acto con colectivos de persoas maiores no edificio consistorial.
Na súa resolución, a instrutora do expediente considera "probado" que o alcalde se reuniu en dependencias anexas á alcaldía con representantes de colectivos sociais, na súa maior parte persoas de avanzada idade, e que se valoraron "os logros" do seu goberno e se destacaron os investimentos realizados.
Iso a pesar de que Caballero é "un político de longa traxectoria profesional, obxecto de actuacións anteriores da xunta electoral e pleno coñecedor da Lei".
Incide a Junta Electoral no seu expediente en que a actuación agora denunciada polo PP e por Movemento Rede está "plenamente incursa" na prohibición establecida na Lei electoral de celebrar, desde a convocatoria ata a celebración duns comicios, de actos desta índole.
A Junta Electoral propón multar a Caballero con 3.000 euros por un acto con maiores
A instrutora do expediente recorda que a lei prohibe a realización deste tipo de reunións desde a convocatoria duns comicios ata a súa celebración
