lunes. 17.01.2022 |
El tiempo
lunes. 17.01.2022
El tiempo

A ferida de arma branca foi o que acabou coa vida do falecido en San Cristóbal das Viñas

Os forenses e os médicos do Complexo Hospitalario da Coruña que atenderon ao home falecido en San Cristóbal dás Viñas o 17 de xullo de 2012 afirmaron que foi a ferida por arma branca o que provocou a súa morte.

Esta versión dos profesionais médicos tumba o argumento esgrimido pola defensa do acusado, xa que a letrada que o representa, Elisa Lago, afirmou que a morte se debía a unha bronconeumonía aguda no lado dereito, mentres a puñalada que presentaba o falecido era no lado esquerdo.

Esta teoría quedou desmontada, xa que as forenses indicaron hoxe que as infeccións se transmiten polo sangue "dun lado a outro", e que independentemente diso, o paciente tras a coitelada tivo que ser intervido de urxencia, e "nunca estivo fóra de perigo tras a ferida".

A letrada da defensa tamén achacara as complicacións postoperatorias á situación "terminal" do home, dado que presentaba VIH A2, pero en contra disto tamén abundaron que "unha persoa sa tamén se pode morrer por unha pneumonía logo desta operación".

Estas afirmacións fóronse expostas na Sección Primeira da Audiencia Provincial da Coruña, na que hoxe continuou a vista, e onde o acusado recoñeceu a semana pasada que a arma empregada, un coitelo, é da súa propiedade, aínda que indicou que este instrumento foi o que usou a vítima, e non el en crime algún, para quitarse a vida.

Na sesión deste martes as forenses tamén apuntaron tras a súa investigación que é "máis plausible a intervención doutra persoa" que a dun suicidio como sostén o imputado.

Os técnicos do laboratorio de ADN da Coruña ademais sinalaron que non se achou sangue da vítima na roupa do acusado, pero que si se atoparon restos epiteliales, cunha probabilidade "moi próxima á certeza", do falecido no pantalón que levaba o acusado o día dos feitos, que segundo os técnicos indica que "contacto tivo que haber".

Na Audiencia Provincial esta mañá tamén se puideron ver as imaxes que o día en que sucederon os feitos gravaron as cámaras de seguridade da refinería alí situada.

Nas imaxes pódense ver ao falecido e ao acusado camiñando en dirección ao lugar onde ocorreu o apuñalamento, así como a este último volver só e esconder o coitelo, co que presuntamente apuñalou ao seu amigo.

Tamén se puido escoitar a chamada da vítima ao 061 instantes logo de recibir a ferida, na que di: "acabo de recibir unha puñalada".

Por este presunto crime que será xulgado por xurado popular a fiscalía solicita que o acusado sexa condenado a 12 anos de cárcere e a pagar unha indemnización de 140.000 euros ao irmán do falecido, o seu único familiar directo vivo pois a nai, coa que convivía, morreu pouco logo deste suceso.

A acusación particular exercida polo avogado Manuel Ferreiro pide 18 anos de cárcere e unha compensación económica de 60.000 euros.

A ferida de arma branca foi o que acabou coa vida do falecido en...
comentarios