Axentes da Policía Local de Pontevedra interceptaron este venres pola noite a un home de 38 anos que circulaba baixo os efectos de sustancias (alcohólicas ou estupefacientes) e sen unha roda en plena autoestrada.
Os feitos rexistráronse sobre as 22.30, cando outro condutor apreciou a presenza do kamikaze pola AP-9 soltando faíscas sobre o asfalto ao carecer de pneumático. A testemuña, que presenciou momentos de gran perigo cando se cruzaba con dous camións, decidiu seguirlle mentres chamaba á Policía Local.
Nun momento dado, xa á altura de Salcedo, o individuo apeouse do seu vehículo e fuxiu a pé. Nese instante chegaron os axentes, que intentaron darlle o alto. Ante iso, o sospeitoso enfrontouse a eles, polo que tivo que ser detido. Negouse, ademais, a someterse ás probas de alcoholemia, polo que se expón a varias infraccións administrativas e penais. Foi posto en liberdade á espera de xuízo.