José Fernández Lago foi designado novo deán da Catedral de Santiago, informaron este luns fontes da basílica compostelá.
Nacido en Carril, en outubro de 1944, Fernández Lago substitúe neste cargo a Segundo Pérez. O nomeamento realízase por un período de catro anos, renovable por outro período consecutivo.
A elección de José Fernández Lago como novo deán levou a cabo, informa un comunicado, nunha sesión extraordinaria do Cabildo da Catedral de Santiago celebrada o pasado sábado 13 de febreiro.
Fernández Lago foi ordenado sacerdote o 23 de xullo de 1967. é licenciado en Teoloxía pola Pontificia Universidade Gregoriana (Roma), en 1969; licenciado en Sacra Escritura polo Pontificio Instituto Bíblico (Roma), en 1972, e sacou os Estudos de L'Ecole Biblique et Archaeologique Francaise, en 1973.
Ademais, con data de este luns, o arcebispo Julián Barrio nomeou Secretario Capitular a Elisardo Temperán Villaverde, Cóengo Prefecto de Cerimonias.
