A Garda Civil de Corcubión detivo o pasado día 6 de febreiro a un veciño de Muxía duns 50 anos polo presunto intento de secuestro en Cee de dúas mozas menores de 13 e 15 anos que, segundo a denuncia, tería lugar o día 3.
Unha das menores asegurou que foi abordada por un home de mediana idade cando se atopaba nun local de lecer que chegou a agarrala con intención de levarlla de alí. Unha denuncia similar doutra moza, á que ofrecería diñeiro para que marchara con el, ademais do testemuño de varias testemuñas que corroboraron ambas as versións puxeron aos axentes tras a pista dun home que xa pasou a disposición xudicial e atópase en liberdade condicional en calidade de investigado.
